Strando

Strando aŭ sablobordo aŭ banbordo aŭ plaĝo estas relative plata ĉeborda linio (ĉe rivero, lago aŭ maro) kovrita per sablo, gruzo aŭ ŝtonetoj, kaj tiel ofte taŭga por naĝado aŭ similaj aktivecoj.

Strando en Venezuelo.

Strando kaj plaĝo

Kelkaj opinias ke "strando" kaj "plaĝo" ne estas perfektaj sinonimoj, kaj "strando" estas geologiaĵo dum ke "plaĝo" estas sama ejo sed vidpunkte de turismo kaj ripozo. Plaĝoj estas ofte speciale aranĝitaj: kuŝejoj, vendejoj, duŝejoj komfortigas ripozlokon. Ĉar sablaj plaĝoj estas pli popularaj, oni foje konstruas artefaritajn sabloplaĝojn (alportante sablon el alia loko por kovri bordon de akvujo). Kelkaj sciencistoj emfazas, ke strando ne estas nur la videbla superakva parto, sed ankaŭ la subakva, ĉirkaŭ 10 metrojn profunden. La superakva kaj la subakva partoj de la strando formas unuecan sistemon de moviĝantaj ŝtoneroj (sableroj). Ĉiukaze "strando" kaj "plaĝo" malsamas al bordo kiu povas esti klifa kaj do maltauĝa por aliri akvon por naĝado.

• 
  Plaĝo ĉe rifo en insulo Tobago
• 
  Strando en Palanga (Litovio)
• 
  Strando en Bretonio (Francio)
• 
  Strando en Katwijk (Nederlando)
• 
  Malkaŝemeco de akvo sur la plaĝo insulo de Hvar, (Kroatio)
• 
  Strando en Maldivoj

Vidu ankaŭ

• Marbanejo
• Marbordo
• Nudisma plaĝo
• Sabloburgo