Wikipedia

Brezel

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

Ar brezel a zo ur bec'h etre riezoù pe strolladoù bras a-walc'h o vent, a ya da lakaat anezho da implijout armoù hag an nerzh fizikel en ur enebiñ. Dispaket int dre sevel luioù soudarded kaset e tu all an harzoù a oa etre an div gostezenn a-raok. Pal ar vrezelerien eo tapout pe virout tiriadoù 'zo, hag e c'hoarvez ma vez kollet hag adtapet an tiriadoù en-dro gant pep a du. Un aozadur hag ur raktres milourel a vez savet gant an emgannerien. Bez e c'hell ar brezel bezañ berr (dindan ur bloaz pe ur miz) pe padout meur a vloavezh gant meur a gampagn, da lavaret eo prantadoù tagadennoù e-kreiz ehanoù. Brezeloniezh, pe polemologiezh, eo anvioù ar skiant a zo he fal studiañ ar brezelioù.

brezel
doare bec'h, arvez eus an Istor
Dañjer liammetcasualty, war damage, uncertainty Kemmañ
PerzhiadStad, urzhiadur milourel Kemmañ
Abeg pennañcasus belli, conflict escalation Kemmañ
Efedeffects of war Kemmañ
Studiet gantistor milourel, Brezeloniezh, peace and conflict studies, Institute for the Study of War, sociology of peace, war, and social conflict Kemmañ
Hashtagwars Kemmañ
Dezverket dredoare brezel Kemmañ
Istorhistory of war Kemmañ
Pleustret gantbrezelour, fictional warrior, Goprsoudard, fictional mercenary Kemmañ
Handled, mitigated, or managed bypreventive diplomacy, peace process, anti-war movement Kemmañ
Enebet ouzhpeoc'h Kemmañ
 
Ar Stadoù-Unanet o deus lakaet da darzhañ ur vombezenn atomek e neñv Nagasaki e 9 a viz Eost, 1945. Ar bombezadegoù atomek war Hiroshima ha Nagasaki o deus lakaet da vervel raktal etre 100 000 ha 200 000 nannsoudard, ar gwechoù nemeto m'eo bet implijet seurt armoù evit brezeliñ.

Meur a abeg a vez da vrezeliñ : gounid pe adc'hounid ar riegezh, un tiriad, danvezioù naturel, ledanaat levezon ur relijion pe un ideologiezh. Pa vez adtapet un tiriad a oa bet skrapet hag ac'hubet e vez kaoz eus ur brezel dieubiñ. Pa vez brezel etre kostezennoù e diabarzh ur riez e vez kaoz eus ur brezel diabarzh. Betek diwezh an Eil Brezel-bed e vezed kustum da embann un disklêriadur brezel ofisiel, spis e stumm.

Gant ar brezel e vez kaset tud d'ar marv ha n'int holl dibellaus, dreist-holl pa vez lazhet nannsoudarded e-leizh evel e-korf brezelioù an XXvet kantved ha re ar XXIañ ivez. E-pad an XXvet kantved ez eus bet jedet e c'hellfe bezañ bet lazhet etre 130 ha 142 milion a dud, nannsoudarded an darnvuiañ anezho. Hag e-touez ar buhezioù kollet-se, 51 milion a dud a zo marvet e diwezh an Eil Brezel-bed.

Istor ar brezel

kemmañ
Pennad pennañ : Istor ar Brezel

N'eus emglev ebet ez eus diwar-benn orin ar brezel. Hervez reoù 'zo e oa bet atav brezelioù etre ar strolladoù denel tra ma pouez ar re arall war ar fed n'eus ket sin ebet a vrezel e-pad ar Ragistor. Da gentañ e oa ar brezel un heuliad ag argadegoù bihan ; n'eo nemet gant ganedigezhioù ar riezoù kentañ, 5000 bloaz 'zo, e c'heller gwelout kampagnoù milourel bras.

Gwelet ivez

kemmañ

Liammoù diavaez

kemmañ

Commons
Commons
Muioc'h a restroù diwar-benn

a vo kavet e Wikimedia Commons.

(en) — Saoznek eo an holl liammoù all.

Adtapet diwar « https://br.wikipedia.org/w/index.php?title=Brezel&oldid=2189434 »